大約兩年前,我自己一個人租住唐樓,有一晚放工落好大雨,返工又冇攞遮咪事但喺公司攞把人客留低嘅白色長遮用住先咯,返到屋企張把白遮掛埋一邊,我養咗隻狗仔,佢突然對住把遮吠,我都唔理!跟住我如常返工,記得有一次放工喺街過馬路見到一個半透明嘅長頭髮女仔好似同我揮手,唔知係咪太疲倦眼花呢冇理佢,返到屋企大覺瞓,瞓到唔知咩時間喺夢中見到一個好清秀嘅女仔同我去咗放狗散步,我問佢係邊個佢竟然話我女朋友,正當我想解釋嘅時候隻狗突然長吠叫醒我,d吠聲從來未聽過好怪,之後隻狗就開始隔晚淩晨長吠,留意到好鍾意喺把白遮範圍到吠,而我就成日發住頭先個夢,唉攪到精神好差,依件事過咗個幾月,我終於頂唔順咪對住間屋講我根本冇咩女朋友,唔好再煩我又冇得罪你,真係有事咪直說咯唔需要咁!就係講完之後嗰晚瞓覺發夢見到佢,本來好清秀嘅女鬼突然間變咗比火燒到成身爛曬嘅紅衣女鬼,仲同我講好愛我要我陪佢,等咗我好耐嘩我真係嚇到開咗冷氣都流曬汗,佢好似好悽涼咁,比佢嚇到唔敢返屋企,嗱嗱啉走去衣紙鋪問嚇有咩辦法,跟住喺屋企樓下燒咗d衣紙先冇事咋,相信經過依件事落狗屎都唔會再亂攞遮怕怕!
7 c( y* x5 p0 Q: u |
發表於 2015-1-22 19:43:02