簡單而真實

spetoct

得閒上黎睇鬼故都一段時間喇，係時候出返少少貢獻，以下都係親身經歷既事情！
80年代上水木屋區：
一直以黎我對童年既記憶都得好少，最早期既記憶都已經係小學lu!話說出社會工作後有次懶好搵我嫲嫲飲茶，咁老人家就緊係想當年啦！佢講下d孫仔孫女細個既百厭野，咁我就話：咁多bb最好湊係我啦！出曬名又乖又聽話！點知就呢一句，一個收埋左十幾廿年既秘密就爆煲了！
當年兩歲既我同爸爸媽媽住係上水木屋區即而家坐火車過左上水到羅湖前好多超大水管果度，但其怪既事係大家認為好乖既我，每次回家到上水火車站落車就會開始喊，賴死係火車站唔走，咁我呀娘同好多家長一樣以為小朋友鍾意去街唔肯返屋企啫！點知一晚淩晨2點，我爸爸比少少聲嘈醒左，起身望望竟然發現兩歲我執緊包服，不問由自可一問就知出事了，佢問“你做乜呀？”而我竟用一把男人聲同佢講“我要走呀！”，咁我老豆緊係拿拿聲起身捉實我啦，但竟然唔夠我大力，又怕整傷我，我用把男聲再同佢講“唔好左住我，我要走呀”咁我老豆唔理三七廿一就成個抱起我，而我就一啖咬落去佢膀頭，仲出曬血.

與此同時我呀娘就立刻打比我一個賣香燭既呀嬸，問佢點做好，呀嬸教佢試下圍住間屋點香，睇下朋友仔受唔受啦！咁我媽就係我同老豆激戰既同時，攞曬d香出去係咁裝啦！當佢裝曬全部香之後，我就即刻瞓著左，當然瞓醒就乜都唔記得啦！咁佢地就拿拿聲搬喇！事件到呢度好似完左，但早幾年聽d長輩傾計，講我搬走左之後係安置區，成日等冇人既時候偷雪櫃既啤酒飲，仲識從窗口掉個鐵鑵出後巷，而點解我呀娘會知呢？！因為佢發現成日唔見啤酒，而且以前係唔鎖門既，佢以為隔離屋過黎偷，佢有日扮買餸，偷睇先發現係我，仲覺得好好笑，唔怪得我由細到大都咁飲得啦！但我唔敢話佢知其實我四年級都仲未識開汽水罐架！兩三歲點開呀？！
5 p  ]# ?) M& A: Y) I6 G/ D